Skorrdalssetur

»Þetta er nánast orðið úrelt en þetta álit ritaði ég um miðjan síðasta mánuð en það var tekið úr utanríkismálanefnd allt of snemma að mínu mati – ég vil taka það fram að ég mun ekki undir neinum kringumstæðum geta samþykkt meirihlutaálit fjárlaganefndar nema búið sé að kanna á trúverðugan hátt hvort að þessir fyrirvarar verða virtir í breskum og hollenskum dómsstólum. Vonandi kemst það á hreint í dag – en erfiðlega gengur að fá meirihlutann til þessara verka. Þ.e.a.s. að fá þetta staðfest. Ítrekað hefur verið beðið um það.«

af Birgitta Jónsdóttir – birgitta.blog.is.

»Ásta Ragnheiður Jóhannesdóttir, forseti Alþingis, kunni enskuslettunum illa, áminnti því Guðlaug og uppskar fliss þingmanna:

„Forseti vill geta þess að ef menn vitna í texta á erlendu tungumála, þá þýði þeir jafnharðan þann texta.”«

via Vísir – Skammaður fyrir að tala ensku í þingsal.

Hvað er þetta? Má maðurinn ekki tala tungum? Þeir hafa talað þeim tveim – ef ekki fleiri í svo mörg ár, það verður að gefa þeim smá tíma að nota bara þessa sem rétt er…

Annars veit ég ekki hvar ég stend í þessu hreintungumáli. Geri þær kröfur til alþingismanna, að þeir kunni ensku skammlaust og eitt norðurlandamál, þótt svo það sé “idiot-svenska“, þessi sem ég kann. Samt er ég ekki viss…

»Ég held að það þurfi heilt þorp gott ef ekki borg til að ná utan um glæpina.

Svo margir og stórir eru þeir.  Enda ekki smámál að blóðmjólka heila þjóð þó fámenn sé.

Svo er Gulli Þórðar tuðandi í ræðustól.«

via Spekileki hvað? – jenfo.blog.is.

»Nokkra athygli vakti meðal vegfarenda í miðbænum í dag þegar Árni Páll Árnason félagsmálaráðherra og Ásgeir Friðgeirsson, talsmaður Björgólfsfeðga og einn helsti spunameistari landsins, sáust ganga saman út úr félagsmálaráðuneytinu. Afar vel þótti fara á með þeim félögunum og gengu þeir saman í áttina að Austurvelli í fallegri sumarsólinni.«

via DV.is – Sandkorn – Árni Páll og Ásgeir Friðgeirs saman í ráðuneyti.

Ha? Árni Páll og “spunameistari” saman á göngu? Afhverju kemur það mér ekki á óvart – frekar en að það komi mér á óvart að ég treysti þessum skíthæl, sem kallast víst “félagsmálaráðherra”? FASISTI – og ekkert annað; með höfuð og herðar upp í rassgati fyrirtækjahyggjunnar; hver ætlar að mótmæla því?

»Tilgangslaust er að reyna að fá stjórnarandstöðuna til að samþykkja IceSave með fyrirvörum. Hún vill einfaldlega ekki IceSave. Enda var hún í stjórn, er IceSave hengingarólin var brugðin á sínum tíma. Sjálfstæðið og Framsókn eru núna ábyrgðarlausir flokkar, sem afneita fortíð sinni. Tímabært er að hætta að dekstra liðið, sem olli hruni Íslands. Stjórnarsinnar verða að koma sér saman um fáa fyrirvara og skýringar, sem jafngilda ekki falli samningsins. Mest reynir á Ögmund Jónasson að koma á sátt stjórnar og uppreisnarþingmanna Vinstri grænna. Verra er að fá hrunmenn Sjálfstæðis og Framsóknar til valda.«

via www.jonas.is.

Áróður getur verkað á tvo vegu…

»Þingmenn taka sæti sín í fundarsal Alþingis í dag í fyrsta skipti í rúmlega tvær vikur. Ekkert hefur verið um þingfundi undanfarið vegna harðra deilna um Icesave síðasta hálfa mánuðinn. En þó þingmenn komi til fundar í dag er ekki enn búið að ná sátt um Icesave.«

via DV.is – Frétt – Fyrsti fundurinn í rúman hálfan mánuð.

Skútan sekkur – og þeir sem trúað var fyrir því að ausa, fóru bara í frí! Er ekki samfélagið súrealískt? Ætli þeir séu flestir á sveppum?

»En varðandi Icesave þá hefur mig lengi grunað að andstaða gömlu valdaflokkana við málið sé vegna ótta þeirra við yfirvofandi uppljóstranir á því sem átti sér stað.

Með því að fella málið eru líkindi á að stjórnin springi.

Ég sannfærðist um þetta í gærkvöldi þegar ég sá Höskuld Þórhallsson þvertaka fyrir alla mögulega fyrirvara við samninginn.

Hann vill byrja upp á nýtt.«

via Hrollvekja – jenfo.blog.is.

Nú þykkist plottið…

Utanþings-neyðarstjórn, stjórnlagaþing og nýtt lýðveldi. Alþjóða samningar verða bara að bíða, þangað til við höfum hreynsað út stjórnmálafjósin.

»Ég og fleiri hafa furðað sig á þeim krafti sem lagður er í andóf stjórnarandstöðunnar, hvort sem er Framsóknarflokksins eða Sjálfstæðisflokksins gegn bæði icesave og ESB. Skiptir þar engu máli stefna flokkanna (sbr Framsókn og ESB) eða skuldbindingar ráðamanna í fyrri ríkisstjórn (sbr Sjálfstæðisflokkurinn og framganga þeirra varðandi Icesave sl. haust).

Skýringu fékk ég í heita pottinum um helgina, þessir flokkar verði að komast að kjötkötlunum til að hindra að fleiri steinum verði velt við. Með það markmið að leiðarljósi þá sé raunverulega allt leyfilegt. Þeir verði að sprengja ríksstjórnina, besta leiðin til þess sé að róa í þjóðernissinnunum í Vinstri Grænum og fá þá til að hafna Icesave frumvarpinu.«

via Úr heitapottinum – bubot.blog.is.

Ekkert vitlausari kenning en margar aðrar.

»Kostnaður Seðlabankans vegna sérfræðiráðgjafar bandaríska fjárfestingarbankans JP Morgan nam rúmlega einum milljarði króna á síðasta ári.«

via Ráðgjöf kostaði milljarð – mbl.is.

Sjá einnig: Eðlilega staðið að kaupum á ráðgjöf – Vísir.is

Öryrkjar og aldraðir voru krafðir um endurgreiðslu 4ra milljarða – ásamt að taka á sig nærri tveggja milljarða tekjuskerðingu um síðustu áramót. Auðvitað betra að eyða aurunum í “ráðgjöf”, sem hefur skilað okkur hvert? Í faðm enn verri arðræningja, sem hafa skilið eftir sig sviðna jörð um allan heim? Og svo réttlætir Ríkisendurskoðun þessa sóun! Ísland: Minnst spillta landið í veröldinni! Það var okkur selt að minnsta kosti.

“Ljóst má vera að einhverjir gætu hugsað sér að auka þingstyrk sinn með auka þingmanni. Þó hafa heyrst þær raddir innan úr Framsóknarflokknum að sumir þar óttist það mest að Þráinn skili sér aftur í flokkinn sem hann yfirgaf skömmu fyrir síðustu þingkosningar.”

via DV.is – Sandkorn – Óttast að fá Þráinn aftur.

Hart er það – hálfur þingheimur á móti Þránni. Ætli hann fari fram á Framsókn kalli inn varamenn?

“Rétt er að árétta það að svo það sé á hreinu að þá óskuðum við þrír þingmenn hreyfingarinnar eftir að félagsfundinum yrði frestað um viku þar sem vitað væri að ekkert okkar gæti mætt en öll höfðum áhuga á að koma. Samkvæmt póstum sem ég fékk í gærkvöld virtist það verða niðurstaðan en svo í morgun hafði einhver skipt um skoðun og það upp hófust átök innan stjórnarinnar hvort ætti að halda fundinn eður ei. Hann var svo greinilega haldinn og hefur vonandi verið einhverjum til gagns, en málefninu og hreyfingunni gagnaðist hann ekki.”

via Félagsfundurinn – thorsaari.blog.is.

Vona að þau leysi þetta í rólegheitunum. En hef sagt það áður; ef einhver á að víkja, er það Þráinn – og leiðist mér að þurfa að vera á þeirri skoðun.