Skorrdalssetur

»Tap fyrirtækisins nam 1,2 milljarði á síðasta ári og var fimmtán starfsmönnum sagt upp til að laga sig að breyttum aðstæðum. Eftir þær uppsagnir sagði Sigsteinn Páll í samtali við mbl.is: „Þetta er fyrst og fremst varrúðarráðstöfun til þess að mæta minnkandi eftirspurn og breyttum aðstæðum.“ Það vakti því undrun starfsmanna Marels þegar Sigsteinn mætti á glæsijeppanum í vinnuna í endaðan júní.«

via DV.is – Frétt – Fimmtán sagt upp og jeppi keyptur.

Hva! Segja nokkrum upp, svo hægt sé að keyra góðan jeppa – er það ekki bara snilld?

»„Það liggur ekki fyrir ennþá hvað gert verður við þessi lán og engin ákvörðun hefur verið tekin um þau. Það kemur í ljós á næsta ári,“ segir Benedikt Árnason, forstjóri Askar Capital, um lán til starfsmanna sem enn starfa hjá Askar og tengdum félögum. Hann segir að gjalddagi sé á lánunum árið 2010. „Þar sem allt hlutafé var niðurfellt er mjög líklegt að félögin geti ekki staðið við sínar skuldbindingar þegar kemur að gjalddaga,“ segir Benedikt. Flest lánin hafi verið tekin hjá Glitni.«

via DV.is – Frétt – Enginn borgar kúlulán hjá Askar.

Auðvitað ekki! Afhverju eiga þeir að borga? Það er auðvitað bara fásinna!

»Erfiðleikar IceSave samningsins í almenningsálitinu stafa af, að þjóðin er bálreið út af öðru. Hún skilur ekki, að enginn skuli enn vera dreginn fyrir dómara vegna bankahrunsins. Hún hefur enga trú á leyninefndum á borð við sannleiksnefnd Alþingis. Hún hefur séð lánabók Kaupþings á blogginu. Hún lætur ekki þvinga IceSave ofan í kokið á sér meðan Björgólfur Thor gengur laus, meðan Hannes Smárason, Ólafur Ólafsson og Wernersbræður ganga lausir. Stóra skyssan hjá stjórnvöldum var að skilyrða ekki opnar yfirheyrslur sannleiksnefndarinnar. Það var öryggisloki til að tempra heift þjóðarinnar.«

via www.jonas.is.

»Lekinn úr Kaupþingi er til rannsóknar hjá lögreglunni.

Það væri ágætt ef viðkomandi fyndist, það væri þá hægt að næla í hann fálkaorðu.

Eða það hlýtur að vera tilgangurinn með því að finna þessa persónu.

Svo þurfum við að fá svipuð yfirlit frá Landsbankanum og Glitni.

Því ekkert er mikilvægara í þeim hremmingum sem Íslendingar ganga í gegnum núna en sannleikurinn.

Við þurfum að fá hann upp á borðið og engar refjar.

Það er algjör forsenda þess að hægt sé að byggja hér upp gott samfélag.«

via Silfur Egils » Við þurfum sannleikann.

Í alvöru? Þú segir ekki!…

»”Kaupþingsleki hjá lögreglunni” las ég og dró samstundis þá ályktun að einhver hjá löggunni hefði lekið upplýsingunum á WikiLeak.

Ég ætla ekki að vera með neina hræsni og segjast skilja að það þurfi að rannsaka þennan leka og komast að því hver sá “seki” er einfaldlega vegna þess að hver sem lekandinn er, þá nefni ég hann í möntrum mínum af djúpu þakklæti og þó nokkurri virðingu.«

via Þakklát viðkomandi lekanda – jenfo.blog.is.

Jenný er sko ekkert smá “biluð”! En ef hún væri það ekki, hefði ég engan áhuga á að lesa hennar skrif!

»Bankastjórinn fyrrverandi gagnrýnir líka breska fjármálaeftirlitið fyrir að hafa heimilað Kaupþingi að eignast Singer & Friedlander bankann sumarið 2005. Þar hafi breska fjármálaeftirlitið auk þess brugðist þeirri skyldu sinni að aðstoða íslenska fjármálaeftirlitið við að ná utan um vafasaman rekstur Kaupþings. Reyndar segist hann ekki hafa fulla vissu um aðgerðir breska fjármálaeftirlitsins á þeim tíma, þar sem það hafi ítrekað synjað beiðni hans um upplýsingar þar að lútandi.«

via Eyjan » Fyrrverandi forstjóri Singer & Friedlander: Lánabók Kaupþings afhjúpar lygilegan áhætturekstur.

Kannski var þetta ekki allt saman okkur íslenskum almenningi að kenna eftir allt saman? Kannski fengum við utanað komandi aðstoð? Það gæti þó aldrei verið?

»Most apparent is how inexact, imprecise and general is the language used to describe the loans and the possibilities that they might be recovered. The document ends with the strap line “Kaupthing Bank; Thinking Beyond”. Some thinking.

Whilst the scale of this is surprising, it is merely what the FSA was told in the summer of 2005 before they approved the change of control allowing Kaupthing to purchase the British bank Singer & Friedlander.«

via Documents show how Kaupthing turned a shambles into a crisis – Telegraph.

Alltaf gott að heyra alvöru fréttafluttning…

»Þá er sérstök athygli vakin á því að í lánabókinni standi um þetta lán að ef svo ólíklega vilji til að bankinn þurfi að ganga að lánatryggingunni gæti staða lántakandans valdið vandræðum. Hér er líklega verið að vísa í það að aðilinn tilheyri konungsfjölskyldunni í Saudí Arabíu.«

via Vísir – Kaupþing lánaði 11 milljarða til snekkjukaupa.

Ekki sama Jón og séra Jón, nema kannski að nú er “sérann” arabi. Kannski hann hafi stærri hreðjar en bankaræningjarnir – og þær eru það sem þeir óttast mest?

»Efnahagshruni og -ástandinu á Íslandi hefur margoft verið líkt við Argentínu og atburðina þar fyrir ekki svo ýkja löngu. Og réttilega. Hvort unnt verður að líkja framhaldinu við Argentínu verður tíminn að leiða í ljós. En gjörðir iðnaðarráðherra í gær benda til að svo verði. Stóriðja, útsala á raforku, framsal náttúruauðlinda til erlendra álrisa sem greiða litla sem enga skatta og skila sáralitlum arði til þjóðarinnar, ótrúlegt vanmat á arðsemi óspilltrar náttúru sem þó er aðalaðdráttarafl erlendra ferðamanna og vafasamt eignarhald þeirra fyrirtækja sem nú virðast ætla að leggja undir sig nýtingu auðlindanna.«

via Hin fallna þjóð og afsal auðlinda – larahanna.blog.is.

Allt sem Lára Hanna skrifar um, mun ég birta. Hún á það einfaldlega skilið!

»Það eru góðar fréttir að breska efnahagsbrotadeildin breska, Serious Fraud Office, vilji koma að rannsókn bankahrunsins íslenska.

Mikið af þráðunum liggja í gegnum Bretland og í gegnum aflandseyjar þar sem Bretar hafa áhrif.«

Silfur Egils » SFO.

Vonum það besta – undirbúum það versta. Þessu er svo langt í frá að vera lokið, kæru landar; þetta er rétt að byrja!

»”Engin nefnd þarf að færa þjóð sinni jafn slæmar fréttir og þessi nefnd,” sagði Páll Hreinsson, formaður rannsóknarnefndar Alþingis í Vikulokaþætti á Rás 1 í dag. Nefndinni er ætlað að skila skýrslu sinni fyrir 1. nóvember næstkomandi.«

via DV.is – Frétt – Færir þjóðinni slæmar fréttir.

Hvað ætli það sé? Getur verið að sumir ættu inni afsökunarbeiðni frá nokkrum einstaklingum eftir 1. nóvember? Það gæti þó ekki verið?